GAVANA WA KISIWA CHA ANJOUN NCHINI COMORO ATEMBELEA HALMASHAURI YA MJI NANYAMBA.

Posted on: July 15th, 2023

Gavana wa kisiwa cha Anjoun nchini Comoro Mhe. Annis Chamsidine akiambatana na Madiwani wa Kisiwa hiko wamefanya ziara ya kikazi Halmashauri ya Mji Nanyamba tarehe 15.07.2023 na kupokelewa na Mwenyekiti wa Halmashauri ya Mji Nanyamba Mhe. Jamali Kapende.

Lengo la ziara hiyo mkoani Mtwara ni kujifunza na kushirikiana kwenye Nyanja za Biashara, Elimu na Kilimo ikiwa ni pamoja na kujifunza njia za ukusanyaji wa mapato pamoja na utendaji kazi kupitia Halmashauri ya Mji Nanyamba ili kukuza uchumi na ushirikiano baina ya Tanzania na Kisiwa cha Comoro. Ambapo Mkurugenzi wa Halmashauri ya Mji Nanyamba Ndg. Thomas E. Mwailafu alieleza kuwa chanzo kikubwa cha mapato wiliayani humo ni kilimo cha zao la Korosho.

Ziara hiyo ilihudhuriwa na Mstahiki Meya wa Manispaa ya Mtwara, wawakilishi wa Mkoa wa Mtwara, wawakilishi Manispaa ya Mtwara, Mwenyekiti na Makamu Mwenyekiti wa Halmashauri ya Mji Nanyamba pamoja na Menejimenti ya Halmashauri ya Mji Nanyamba.