KIKAO NA UKAGUZI WA MARADI MPYA WA UJENZI WA SHULE YA SEKONDARI YA AMARI

Posted on: December 24th, 2024

Mnamo tarehe 23/12/2024, Halmashauri ya Mji Nanyamba imefanya kikao na lengo la kuutambulisha mradi wa ujenzi wa shule ya sekondari ya Amari. Utambulisho huo ulifanywa kwa kamati ya ujenzi  na mapokezi.

Aidha, mwakilishi wa Mkurugenzi katika kikao hicho cha utambulisho wa mradi Mhandisi AMIRI MTUMUSHA ambaye pia ni Mhandisi kutoka Ofisi ya ujenzi Halmashauri ya Mji Nanyamba alisema kuwa mafundi wote wameshakabidhiwa maeneo yao kama walivyoomba na sasa kazi ya ujenzi  inatakiwa kuanza mara moja .

Baadhi ya mafundi walioshinda zabuni hiyo ya ujenzi wamehaidi kwa serikali kujenga kwa umakini na viwango vinavyotakiwa na serikali na kuweza kukamilisha kwa wakati unavyotakiwa.

Pamoja na mambo mengine katika kikao hicho wajumbe/ viongozi walihimiza uadilifu, umakini na ufanisi kwa lengo la kuona ujenzi unafanyika kwa wakati, majengo imara na ufanisi mkubwa.