KITUO CHA AFYA DINYECHA CHAPATA GARI YA KUBEBEA WAGONJWA

Posted on: April 3rd, 2018

Mhe. Abdallah Chikota, Mbunge wa Jimbo la Nanyamba amekabidhi gari la kubebea wagonjwa Ambulance kwa Mganga Mfawidhi wa Kituo cha Afya Dinyecha.

   Pichani ni Mbunge wa Jimbo la Nanyamba Mhe. Abdallah Chikota akikabidhi funguo za gari kwa Mganga mfawidhi wa Kituo cha Afya Dinyecho

Akikabidhi gari hiyo, Mhe. Mbunge ametoa shukrani zake kwa Mhe. John P. Magufuli, Rais wa Jamhuri ya Muungano wa Tanzania kwa kuwajali wananchi na amewataka wananchi kuzidi kujitolea katika shughuli za ujenzi wa miradi mbalimbali inayoendelea jimboni. Pamoja na hilo, Mbunge ameeleza namna anavyopambana kuhakikisha huduma za jamii zinapatikana kwa uhakika jimboni kwake.

                                        Mhe. Mbunge Chikota akitoa neno kwa Wananchi wakati wa kukabidhi Ambulance

Katika mapokezi hayo ambayo yalihudhuriwa na viongozi wa Chama tawala ngazi ya wilaya na makamu mwenyekiti wa Halmashauri ya Mji Nanyamba, Mganga MKuu wa Mji Dr. Kyabaroti P. Kyabaroti kwa niaba ya Mkurugenzi wa Mji alimshukuru na kumsifu Mbunge kwa jitihada zote ambazo amekuwa akizifanya na kumuomba azidi kutoa ushirikiano kama ambavyo amekuwa akifanya siku zote.

                                          Mganga Mkuu wa Mji Dkt. Kyabaroti akifafanua jambo mbele ya Mbunge wa Jimbo

Kituo cha Afya Dinyecha ni moja kati ya Vituo vya Afya vitatu ambavyo vinajengwa kwa sasa, na hadi sasa kipo katika hatua za mwisho za ujenzi huo.