MADIWANI NANYAMBA WATEMBELEA ENEO LA MRADI WA KONGANI YA VIWANDA VYA KOROSHO-MARANJE

Posted on: January 5th, 2024

Leo tarehe 05/01/2024 waheshimiwa madiwani wa Halmashauri ya Mji Nanyamba wakiongozwa na bodi ya korosho Tanzania watembelea mradi wa kongani ya viwanda vya korosho uliopo kijiji cha Maranje, kata ya Mtiniko.

Mradi umeanza kutekelezwa kwa kusafisha eneo la ekari 353.78 na kuliwekea miundombinu ikiwa ni hatua ya kuandaa eneo kwa ajili ya uwekezaji, hatua inayotarajiwa kukamilika mwishoni kwa mwezi wa tatu mwaka 2024.

Kukamilika kwa mradi huu unaelezwa kuwa ni mkombozi kwa mkulima wa korosho pamoja na kuongeza fursa za Ajira kwa vijana na wananchi. Faida nyingine inayotajwa ni kuboreka kwa huduma za kijamii kwa wakazi walioko jirani na eneo la Mradi.