MAJUKWAA YA UWEZESHAJI WANAWAKE KIUCHUMI YAZINDULIWA

Posted on: September 7th, 2023

Idara ya Maendeleo ya jamii Halmashauri ya Mji Nanyamba kwa kushirikiana na waheshimiwa madiwani wa wamezindua majukwaa ya uwezeshaji wanawake kiuchumi kwa ngazi ya kata, mitaa na vijiji.

Lengo la majukwaa hayo ni Kuwakutanisha wanawake wote katika ngazi zote za jamii ili kujadili fursa, changamoto na jinsi ya kushiriki katika katika shughuli za kiuchumi na shughuli nyingine za kijamii.

Viongozi wa maajukwaa hayo wametakiwa Kuhamasisha uanzishwaji wa vikundi vya kiuchumi kwenye vijiji na mitaa yao ili waweze kunufaika na fursa za masoko na mikopo yenye masharti nafuu. Aidha, viongozi wa majukwaa hayo hususan watunza hazina wametakiwa kuwa waaminifu ili waweze kufikia malengo ya kujikwamua kiuchumi.