Michezo yawaunganisha wananchi, watumishi Halmashauri ya Mji Nanyamba

Posted on: May 8th, 2018

Watumishi na wananchi wa Halmashauri ya Mji Nanyamba kwa pamoja waungana kuanzisha klabu ya Michezo “Nanyamba Sports Club” itakayo saidia kujenga afya zao kutokana na mazoezi ambayo wamejipangia huku pia ikitazamiwa kuwaleta karibu baina ya watumishi na wananchi na watu wa maeneo mengine kupitia ushiriki wao katika michezo.

                                                Wana klabu wakiwa kwenye kikao wakijadili masuala mbalimbali kuhusu klabu yao

Wakizungumza kwa nyakati tofauti na mwanahabari, wamesema kwamba wameamua kuanzisha klabu hiyo baada ya kuhamasika kutoka halmashauri jirani ambazo kwa muda mrefu zimekuwa na klabu za michezo huku wakilenga zaidi kujikita kwenye kujenga timu mbili; timu ya mpira pete kwa wanawake na mpira wa miguu kwa wanaume.

                                                Wajumbe wakifuatilia mada kwa umakini (picha na Hamza Athumani Mkata)

“Nimefurahi kwa Imani mlioionyesha juu yangu kunichagua kuwa Mwenyekiti wa Klabu yetu ya michezo na ninawaahidi tutafikia malengo” alisema Mwl. Pius Chambulikasu ambaye ni Mwenyekiti wa klabu hiyo baada ya kuchaguliwa na wajumbe.

                                            Mohamedi Tilika (Hanangwa) akiteta jambo na wanachama wengine wa klabu hiyo 

Aidha, Klabu hiyo inaundwa na viongozi wafuatao; Mwl. Caroline Chilumba (Makamu Mwenyekiti), Dkt. Khamis B. Msangawenga (Katibu), Mwl. Bona Y. Kikwa (Naibu Katibu), Saidi Mchina (Mweka Hazina) huku Hamza Athumani Mkata na Mohamedi Tilika (Hanangwa) wakiteuliwa kuwa wajumbe wa kamati.