Mkuu wa mkoa afanya ziara Halmashauri ya Mji wa Nanyamba.

Posted on: August 11th, 2017

Mkurugenzi wa Halmashauri ya Mji Nanyamba Ndugu Adv, Oscar Ng'itu akisalimiana na Mkuu wa Mkoa wa Mtwara Mhe, Halima Dendegu wakati alipofanya ziara ya kukagua shughuli mbalimbali za Maendeleo leo tarehe 11/08/2017

Mkuu wa mkoa wa mtwara Mhe, Halima Dendego leo amefanya ziara ya kikazi katika Halmashauri ya Mji wa Nanyamba  ili kukagua shughuli mbalimbali za maendeleo Mjini hapo.

Akiwa mjini hapo Mkuu wa mkoa amezindua zoezi la utoaji wa chakula shuleni, ambapo zoezi hilo lilifanyika katika shule ya msingi Mtimbwilimbwi. Pia amechangia kiasi cha Sh. Milioni moja ikiwa ni mchango kwa ajili ya ununuzi wa bati za kumalizia shule ya msingi mpya inayojengwa katika kata ya Mtimbwilimbwi.

Awali akihutubia wananchi hao, mkuu wa mkoa alitoa nafasi kwa wanchi kutoa hoja zao mbalimbali ambapo mwananchi mmjoa alijitokeza na kuomba kata hiyo isaidiwe Bati, kwa ajili ya kumalizia jengo la shule ya msingi lililojengwa kwa nguvu za wananchi wakishirikiana na Mbunge wa Jimbo hilo Mhe, Abdalla Chikota.

Baada ya mkuu wa mkoa kumaliza kusikiliza hoja na kero walizonazo wananchi, alibeba bahasha na kuchangisha michango kutoka kwa wanachi waliohudhuria wakiwemo watumishi kutoka kada mbalimbali. Aliweza kuchangisha zaidi ya Sh. laki tatu  huku Mbunge wa Jimbo hilo akichangia Sh. Laki moja kwa mara nyingine.

Hata hivyo mkuu wa Mkoa alihimiza wananchi kufanya kazi kwa bidii ili kujiletea maendeleo na kukuza pato la taifa, huku akisisitiza kuchangia mfuko wa elimu ulioanzishwa na Mbunge wa Jimbo hilo ambao utakuwa suluhisho la matatizo mbalimbali yanayoikumba sekta hiyo hususani elimu ya msingi.