MKUU WA WILAYA YA MTWARA AKABIDHIWA RASMI OFISI

Posted on: October 16th, 2023

Mkuu wa wilaya ya Mtwara Mhe. Mwanahamisi Munkunda leo tarehe 16/10/2023 akabidhiwa rasmi ofisi na aliyekuwa mkuu wa wilaya hiyo Mhe. Hanafi Msabaha.

Makabidhiano hayo yamefanyika mbele za Wenyeviti wa Chama Cha Mapinduzi Wilaya ya Mtwara Mjini na Mtwara Vijijini, kamati ya Ulinzi, Wakurugenzi wa Halmashauri zote tatu yaani Mtwara Mikindani, Mtwara Dc, Nanyamba Mji pamoja na watumishi wa Ofisi hiyo ya Mkuu wa Wilaya.

Akizungumza baada ya kukabidhiwa Ofisi hiyo Mhe Mwanahamisi Munkunda alisema kuwa anaomba ushirikiano kwa pande zote vyama vya Siasa, watendaji wa Serikali katika Halmashauri pamoja na wananchi kwa kufuata misingi ya Sheria ili atimize majukumu yake yaliyomleta Wilayani Mtwara. Pia ameahidi kufanya kazi kwa kufuata taratibu, kanuni na sheria Pamoja na kuzingatia utu.