MWENGE WA UHURU NDANI YA NANYAMBA JUNI 17/2018

Posted on: June 16th, 2018

Wananchi wa Halmashauri ya Mji Nanyamba, wamejiandaa vema kuupokea mwenge wa uhuru, unaotarajiwa kuingia mapeme tarehe 17 Juni 2018, baada ya kumalizia ziara yake katika Wilaya ya Tandahimba.

Wananchi wa Nanyamba wamedhamiria kwa vitendo kuupokea Mwenge wa Uhuru kwa kuonyesha shughuli mbalimbali zinazofanywa na viwanda vilivyoanzishwa na wananchi wenyewe katika maeneo yao baada ya Halmashauri ya Mji kuwawezesha wananchi hao katika vikundi vya maendeleo.

Mbali na Kuzindua viwanda, Mwenge wa Uhuru unatarajiwa kuzindua miradi mbalimbali ya ujenzi ikiwa ni vituo vya Afya, Madarasa, jengo la utawala, Nyumba ya Mkurugenzi wa Mji, miradi ya maji na kadharika.

Nyumba ya Mkurugenzi wa Halmashauri ya Mji Nanyamba

Mkurugenzi wa Halmashauri ya Mji Ndugu. Adv,Oscar Antony ng'itu anaendelea kuwahimiza wananchi ndani na nje ya Nanyamba kuendelea kujitokeza kwa wingi katika maeneo mbalimbali ambayo Mwenge wa uhuru unatarajiwa kufika. Pia mazingira ya kijamii,hali ya usalama na huduma mbalimbali zimeimarishwa kuhakikisha kwamba watu wote watakao hudhuria Shughuli hizi wa mwenge watakuwa salama.