NAIBU WAZIRI WA MAJI MHANDISI KUNDO ATEMBELEA MRADI WA MAJI MNYAWI

Posted on: October 4th, 2024

Leo tarehe 4/10/2024 Naibu Waziri wa Maji Mhe Mhandisi Kundo Mathew (Mb) ametembelea Chanzo cha Maji kilichopo kijiji cha Mnyawi kata ya Milangominne kujionea Maendeleo ya mradi huo ambao Serikali imeshatoa fedha kiasi cha shilingi Billion 5.6 kwa lengo la kuuboresha Mradi huo kuanzia Kwenye Chanzo maji kwa kununua Pump mpya za maji zenye uwezo mkubwa  wa kusukuma maji ili kuondoa changamoto iliyokuwa inajitokeza kwa wananchi wa Nanyamba.

Katika ziara hiyo Naibu waziri huyo amemuagiza Mkandarasi ambaye yupo eneo la mradi ifikapo 31 December Mwaka 2024 maboresho yanayofanyika kwenye mradi huo yakamilike ili wananchi waendelee kupata huduma ya maji yenye uhakika, Mhe Kundo pia amesisitiza  wananchi waendelee kutunza Vyanzo vya Maji na miundombinu yake ili kuepukana na Adha inayojitokeza kwao.

Mbunge wa Jimbo la Nanyamba Mhe Chikota amemshukuru Naibu waziri kwa kukubali mualiko wa kuja katika Jimbo la Nanyamba ili ajionee serikali ilivyowekeza kwenye sekta hiyo ya maji kwa kuleta fedha hizo kwaajili ya kuboresha miundombinu hiyo na kuondoa ya zamani, Mhe Chikota amekuwa mfano wa kuigwa kwa kuwaombea  wananchi  wa Jimbo lake katika miradi  mbalimbali toka Serikali hata kwa wadau wa sekta binafsi.