NANYAMBA YAPATIWA GARI YA WAGONJWA YENYE THAMANI YA MILIONI 240

Posted on: January 17th, 2024

Hospitali ya Mji Nanyamba leo 17/01/2024 imekabidhiwa gari ya kubebea wagonjwa (Ambulance) yenye thamani ya Shilingi Milioni 240 za kitanzania. Halmashauri ya Mji Nanyamba ni miongoni wa halmashauri 184 za Tanzania bara zilizopokea magari ya wagonjwa yaliyonunuliwa na serikali ya Jamhuri ya Muungano wa Tanzania.“Ni lazima tutafute siku tuweze kuambizana kuwa kilio chetu tulichompa Mheshimiwa mbunge Abdallah Dadi Chikota kwamba hospitali haina gari kimefika Kwa wizara husika na wizara imepeleka Kwa Mheshimiwa Rais na kimepatiwa majibu; Mheshimiwa Rais Samia Suluhu Hassan katulea hii gari ya Milioni 240.” amesema Mwenyekiti wa Halmashauri ya Mji Nanyamba, Mhe. Jamal Kapende wakati akikabidhi gari hilo la wagonjwa.

Dkt. Dickson Masale, Mganga Mkuu wa Halmashauri ya Mji Nanyamba ameeleza kuwa hapo awali halmashauri ilikuwa na gari moja ya kubebea wagonjwa, hivyo Kwa ongezeko hilo kutasaidia kusafirisha wagonjwa kutoka vituo mbalimbali vya afya na kuwafikisha hospitalini hapo pia kuwapeleka kwenye hospitali ya rufaa ya mkoa Au hospitali ya kanda.