UTAMBULISHAJI WA MIRADI YA MAENDELEO WAENDELEA KWA SIKU YA PILI HALMASHAURI YA MJI NANYAMBA

Posted on: July 24th, 2025

Mkurugenzi wa Halmashauri ya Mji Nanyamba Bi Zainab Mgomi, Leo tarehe 23 julai 2025 ameendelea na zoezi la utambulishaji miradi ya maendeleo mpango wa BOOST kwa siku ya pili.Miradi imetambulishwa katika vijiji vya Hinju, Njengwa, Nyundo II na Niyumba.

Akizungumza katika zoezi la utambulisho miradi ya maendeleo iliyotambulishwa ni 

i/ Ujenzi wa majengo ya shule Mkondo Mmoja katika shule ya msingi Njengwa (chakavu), mradi ambao umetengewa pesa kiasi Cha Tsh milioni 314

ii/ Ujenzi wa madarasa 2 na matundu 6 ya vyoo E/Awali katika Kijiji Cha kitachi mradi uliotengewa Tsh 67,300,000

iii/ Ujenzi wa madarasa 2 matundu 6 ya vyoo E/Awali na matundu 6 ya vyoo E/Msingi na ukarabati wa shule Kijiji Cha Nyundo II mradi uliotengewa 127,500,000

iv/ Ujenzi wa madarasa 2 matundu 6 ya vyoo E/Awali na matundu 4 ya vyoo E/Msingi na ukarabati wa shule katika Kijiji Cha Niyumba mradi uliotengewa 124,000,000

Mkurugenzi wa Mji amemshukuru Mh Rais Dkt Samia Suluhu Hassan kwa kuleta pesa za miradi ya maendeleo ikiwa ni utekelezaji wa ilani ya Chama Cha Mapinduzi (CCM)

Ametoa wito kwa wananchi wa vijiji vyote kuipokea miradi kwa mikono miwili huku akiwasihi kushiriki kwenye kazi za awali kama vile kusafisha eneo la mradi, uchimbaji wa msingi na ujazaji kifusi ikiwa ni sehemu ya mchango wa nguvu ya jamii katika miradi ya maendeleo.

Aidha aliwakumbusha walimu viongozi na timu za vijiji kutumia mfumo wa manunuzi NeST wakati wa utekelezaji wa miradi lakini pia kuweka kumbukumbu ya matumizi yote ya pesa za  miradi na nyaraka zote za malipo kuhifadhiwa kwa usahihi.