WANANCHI KITAYA WAPOKEA MSAADA WA KIBINADAMU KUTOKA SERIKALI YA TANZANIA.

Posted on: July 17th, 2023

Waziri wa Nchi Ofisi ya Waziri Mkuu Sera, Bunge na Uratibu Mhe. Jenista Mhagama (Mb) leo tarehe 17/07/2023 ametoa msaada wa kibinadamu kwa kaya 184 zilizopo kaya ya Kitaya, Halmashauri ya mji Nanyamba.

Akikabidhi msaada huo kwenye mkutano wa hadhara Mhe. Mhagama amewaelekeza viongozi wahakikishe wanagawa vifaa hivyo kwa walengwa na si kujinufaisha wenyewe huku akisisitiza uwazi ili pasiwepo na malalamiko yoyote.  Aidha amewaagiza kutoa ripoti mara baada ya kumalizika zoezi hilo la ugawaji.

Zoezi la ugawaji wa vifaa hivyo lilihudhuriwa na viongozi mbalimbali wa serikali wakiwemo; Mkurugenzi wa maafa, Meja Jenerali Mbunge, Mkuu wa Mkoa wa wa Mtwara, Mkuu wa Wilaya ya Mtwara, kamati ya ulinzi na usalama ya Mkoa, wakuu wa Divisheni na vitengo Halmashauri ya Mji Nanyamba, Diwani wa kata ya Kitaya, Mwenyekiti wa Halmashauri ya Mji Nanyamba, wawakilishi kutoka Ofisi ya Waziri Mkuu.