WANANCHI WA NAMTUMBUKA NA NIYUMBA WASHIRIKI KUSAFISHA MAENEO YA UTEKELEZAJI MRADI WA BOOST

Posted on: August 29th, 2025

Baada ya Mkurugenzi wa Halmashauri ya Mji Nanyamba, Bi. Zainabu S. Mgomi, kutambulisha rasmi utekelezaji wa miradi ya BOOST, wananchi wa vijiji vya Namtumbuka na Niyumba wameonesha moyo wa kizalendo kwa kujitokeza kwa wingi kushiriki kazi za maendeleo.

Wananchi hao wameanza kusafisha maeneo yaliyotengwa kwa ajili ya ujenzi wa miundombinu ya shule,  Hatua hii ni ishara ya ushirikiano mzuri kati ya serikali na jamii katika kuhakikisha watoto wanapata mazingira bora ya kujifunzia.

Halmashauri ya Mji Nanyamba inatoa pongezi kwa wananchi wote wanaoshiriki katika kazi hizi na inawahimiza kuendelea kushikamana kwa ajili ya kufanikisha maendeleo endelevu kupitia mradi huu muhimu wa BOOST.