WATENDAJI SIMAMIENI MAENDELEO YA ELIMU "MHE. CHIKOTA".

Posted on: August 10th, 2023

Mbunge wa Jimbo la Nnanyamba Mhe. Abdallah Dadi Chikota amewataka watendaji wa kata na vijiji kusimamia maendeleo ya elimu katika maeneo yao ili kutokomeza utoro kwa wanafunzi hatua ambayo inarudisha nyuma muelekeo wa Taifa wa kuwa na vijana wasomi.

Mhe. Chikota ametoa rai hiyo Augusti 10, 2023 kwenye kikao cha baraza la madiwani kilichofanyika katika ukumbi wa mikutano wa Halmashauri ya Mji Nnanyamba.

Katika hatua nyingine, Mhe. Chikota amewakumbusha watendaji kuhakikisha wanafanya mikutano kwenye ngazi za vijiji na kata ili kusikiliza kero za wananchi na kuzipatia ufumbuzi ili kuwapunguzia majukumu viongozi wa kiataifa.

Aidha, ameongeza kwa kuwakumbusha watendaji kuondoa tozo ambazo sio za lazima ili kuwapunguzia kero wananchi katika juhudi za kujiletea maendeleo yao binafsi na nchi kwa ujumla.