ZIARA YA KIKAZI JIJI LA MBEYA.

Posted on: October 1st, 2023

Menejimenti ya Halmashauri ya Mji Nanyamba yatembelea Jiji la Mbeya kwa lengo la kujifunza uanzishwaji wa shule ya Awali na Msingi kwa Mchepuo wa kiingereza. Wakutana na Mkurugenzi wa Jiji la Mbeya Ndg. John Nchimbi na kuzungumza mambo mengi yanayohusu kuanzisha shule ya aina hiyo hapa Nanyamba pia ni kwa jinsi gani wao Jiji la Mbeya wameweza kufanikiwa kwani sasa jiji hilo linamiliki shule tano (5) za Mchepuo wa kiingereza.

Menejimenti ya Halmashauri ya Mji Nanyamba ilipata wasaa wa kutembelea shule hizo za Mchepuo wa kiingereza ambazo ni Mkapa Pre & Primary School, Chief Rocket Mwanshinga Pre & Primary School, Magufuli Pre & Primary School, Azimio Pre & Primary School na Umoja Pre & primary School kujionea miundombinu ya shule hiyo na kupata taarifa mbalimbali za shule kwa Mkuu wa shule.

Kwa niaba ya Mkurugenzi wa Halmashauri ya Mji Nanyamba, Mwenyekiti wa Msafara huo Mwl. Joseph Mhagama alimshukuru Mkurugenzi wa Jiji la Mbeya kwa ushirikiano wao tangu walipofika jijini hapo kwa kuwapa taarifa na majibu kwa Maswali waliyokuwa wanauliza kwa lengo la kujifunza zaidi na kuhaidi kuyafanyia kazi yale waliyojifunza.